- Poetry
- Poem
- Report an issue
- prev
- next
Article
ਫੱਟੀ ਵੀ ਲੱਕੜ ਦੀ ਸੀ
ਕਾਗਜ਼ ਵੀ
ਸੁੱਕੇ ਪੱਤਰ ਤਾਂ
ਰੁੱਖਾਂ ਦੇ ਪੁੱਤਰ
ਏਕੇ ਤੋਂ ਸ਼ੁਰੂ ਕਰ ਕੇ
ਏਕੇ ਤਕ ਜਾਣਾ ਸੀ
ਰੱਬ ਇਕ ਸੀ
ਰੱਬ ਇਕੱਲਾ ਸੀ
ਇਕ ਦਾ ਅਰਥ ਹੀ ਸੀ
ਇਕੱਲਾ
ਕਾਇਨਾਤ ਵਿਚ
ਅਸੰਖਾਂ ਅੱਖਰ
ਪੰਛੀਆਂ ਵਾਂਗ ਉਡਦੇ ਫਿਰਦੇ
ਜਿਹਨਾਂ ਨੂੰ ਰੁੱਖ ਸਾਂਭਦੇ
ਫੱਟੀਆਂ , ਕਾਗਜ਼ਾਂ , ਕਿਤਾਬਾਂ ਦੀਆਂ
ਅਗਲੀਆਂ ਪੀੜ੍ਹੀਆਂ ਸਾਂਭਦੀਆ
ਅਗਲੀਆਂ ਨਸਲਾਂ ਸਾਂਭਦੀਆਂ
ਸਾਂਭਿਆ ਜਾਂਦਾ
ਰੱਬ ਦਾ ਨਾਮ
ਅੱਖਰ
ਕਦੇ ਨਾ ਮਰਦੇ
ਕੰਪਿਊਟਰੀ ਅੱਖਰ
ਬੱਦਲਾਂ ਵਿਚ ਰਹਿੰਦੇ
ਆਪਣੇ ਆਪੇ ਤੋਂ ਪਾਰ
ਕਾਇਨਾਤ ਵੀ ਫੈਲਦੀ ਹੋਈ
ਬੱਦਲਾਂ ਤੋਂ ਪਾਰ ਹੋ ਜਾਂਦੀ ।
Add a review